天才一秒记住【热天中文网】地址：https://www.rtzw.net
侬这只**，夜里骚，日里还不落停，帮3号里厢个‘架梁’（戴眼镜的人统称）搭了蛮牢个么？骗得过捺屋里厢近亲结婚额戆度儿子，骗不了阿拉……”
小娘姖被戳到点子上，缩发缩发，总也要回几句：“我帮‘架梁’做翻译，做外国人个生意，侬不要造谣。”
“做侬死特个翻译啊，一只大兴花瓶，最多10块洋钿，卖把老外100块，做啥死人翻译。
?就是连档模子，骗人家钞票。
畜生才做得出这种事体，还来摆标劲，算侬会几句洋泾浜了……做人不要介老魁！”
4号门口很快就来了交关看闹猛个人。
小娘姖老公本来一直缩在房间里不敢出来，伊从小看大块头老婆搭自己亲娘吵相骂，已经习惯了。
现在骂了介难听，总要来替自己老婆趟一趟：“好了，大家少啰唆两句。
‘架梁’帮阿拉一道做生意，侬不要瞎三话四。”
大块头老婆再次冷笑：“侬这只缩头乌龟。
?老宁波看到侬这样缩，倒没活过来请侬吃生活。”
……声音实在太响，楼上“二支笔”
下来了，伊看了一眼大块头老婆，拿大门“乓”
一记关特。
大块头老婆虽然意犹未尽，但马上收兵。
大块头老婆只有看到二支笔服帖，二支笔一出面，伊马上关特。
啥叫二支笔？上世纪七八十年代，胸口别一支笔是高中生，二支笔是大学生。
埃个辰光，大学生老少个，伊算4号里最有出息个人。
人就是贱骨头，没啥就想要啥，大块头老婆一家门初中也没有毕业，就欢喜有知识个男人，更何况，二支笔卖相老像伊心中的男神——费玉清。
小娘姖当然也不甘心这样拔大块头老婆欺负，回娘家搬来阿弟，准备刮大块头老婆耳光。
啥人晓得人家根本无所谓，冷笑两声：“大块头侬忒我死出来，人家要请侬老婆吃生活了。”
再拿大门一拉，对牢弄堂口喊麻将搭子：“搪瓷七厂，侬死到阿里去了？”
一分钟不到，浑身才是奶脯肉的“搪瓷七厂”
（形容****、住住，吃吃白相相的弄堂无业游民）来了，两只胖子往大块头老婆身边一立，小娘姖个阿弟马上识相：“阿姐，我先回去了，有啥事体慢慢再讲。”
这弄堂里，只有二支笔和居委会主任是大块头老婆不敢得罪的。
不光不得罪，还经常要烧红烧肉去拜码头。
所以后来居委会主任拿电话亭喊电话个生活发拨了大块头老婆，乃末好了，整个弄堂额人不会有啥隐私了。
还有一个人大块头老婆看到也慌个，就是阿东。
阿东娘毛豆早年经常也拔大块头老婆欺负，有一天，两个人正“垃三，戆逼样子……”
骂了正欢，长大了个阿东不声不响拎起屋里厢个马桶朝大块头老婆身上剁掴过去。
大块头老婆一身污水，不敢叫大块头和搪瓷七厂帮忙。
为啥？伊后来讲：“这小鬼头是猪猡脾气，逼伊会动刀个。”
搿就是大块头老婆额本事，识人头，拎得清，还晓得拉拢一切可以拉拢的群众。
一边骂山门，一边眼观八方，看到隔壁小姑娘回来，马上面孔别过去，笑眯眯：“肚皮饿伐，拔侬拿点萨其马吃，不要吃介西多冰砖，宫寒了，以后养小人困难。”
本章未完，请点击下一章继续阅读！若浏览器显示没有新章节了，请尝试点击右上角↗️或右下角↘️的菜单，退出阅读模式即可，谢谢！